Documental
di Dande
Vicente Ras (87 aña) ta nos unico cantado di ‘Dande di Tambu’
Meta di e Documental
E meta di e documentario aki ta pa documenta nos tradicion di Dande na Aruba y particularmente trece dilanti kico ta e diferencia entre e Dande di Tambu y e asina yama Dande di Fio. Actualmente na Aruba Vicente Ras ta e unico musico di Dande cu ta canta y toca e Dande di Tambu. E documentario ta trece dilanti varios cantado di Dande y nan historia relaciona cu e tradicion di Dande. Asina na December 2017 a filma Vicente Ras y su grupo y tambe Sra. Titi Tromp, cu tin un grupo di Dande cu ta consisti di mayoria hende muhe. Na december 2018 a entrevista famia di Maiky Croes, cu ta un famia cu tin 4 generacion cu ta canta Dande, cuminsando cu Mo Jonchi Croes (d.f.m.), kende ta e prome cantado di Dande cu a graba un cantica di Dande riba disco.
recauda fondo
E proyecto aki a haya e sosten financiero for di aña 2017 di Prins Bernhard Cultuur Fonds, Aruba Tourism Authorities, Utilities Aruba, WEB en Elmar N.V., Setar N.V., New India Insurance Company, AIB-bank, Pueblo di Aruba cu a contribui pa medio di un Radio Telethon y tres sponsor anonimo. E documentario a ricibi e apoyo tambe di e Minister di Finansa, Asuntonan Economico y Cultura, Sra. Xiomara Ruiz Maduro y Minister di Asuntonan Social y Labor, Sr. Glenbert Croes. Cu nan aporte por a sigui graba na december 2018 hunto cu e sosten tambe di tur e protagonistanan cu a participa na e grabacionnan y un cantidad grandi di hende cu di un forma of otro a duna nan apoyo na e proyecto. Directiva di Fundacion Mi Cutisa kier gradici particularmente tur e boluntarionan cu ta forma parti di e Comision di Trabou, cu ta carga e Proyecto di Dande aki ya pa dos aña consecutive.
Radio-telethon y feria florklorico
arubano
1 di oktober, 2017
Radio Telethon combina cu un Feria Folklorico Arubano riba Dia Internacional di nos Grandinan - Prome di oktober 2017 na Centro di Bario Brazil.
Ainda falta e ultimo fase!
Mirando e embergadura di e proyecto pa graba un documentario y e nivel profesional di e produccion di un documentario cinematografico, e gastonan pa por realisa e nivel di produccion aki ta basta halto. FMC ainda no a logra haya tur e fondonan pa cubri tur e gastonan. Pa e motibo aki FMC ta haci un apelacion un biaha mas na e pueblo di Aruba y nos comerciantenan cu ta ricibi Dande tur fin di aña, pa sostene e proyecto aki pa medio di un donacion riba number di cuenta # 2103960190 na Aruba Bank, mencionando Proyecto di Dande. Pa esnan cu no ta biba na Aruba e swift code ta ARUBAWAX.