Fundacion Mi Cutisa (FMC) ta un organisacion no gubernamental y ‘non-profit’ cu ta traha riba tereno di cultura y ta existi for di maart 2005. Den e añanan cu a pasa semper FMC a traha cu boluntarionan cu semper a yuda di un forma of otro pa e organisacion por realisa tur e proyectonan cu nan planea. Tur e actividad- y eventonan cu FMC a yega di organisa, no tabata posibel sin e donacionnan cu FMC a ricibi di e pueblo di Aruba y companianan cu a sponsor tur e proyectonan.

 

FMC den futuro lo bay amplia nan area di trabou cu actividadnan riba tereno educativo, social y turistico. Den cuadro di esaki FMC mester hopi sosten financiero pa por realisa e diferente actividad- y proyectona pa Aruba. Cualkier donacion lo ta un aporte importante.